जलविद्युत् मा सेयर हाल्न तँछाडमछाड

सन्दकपुर गाउँपालिकाको माबु, सुलुबुङ, जमुना र माई मझुवामा सञ्चालित २ आयोजनाका लागि कम्पनीले सेयर निष्कासन गरेको हो । सन्दकपुर गाउँपालिकालाई अति प्रभावितको सूचीमा राख्दै ११ लाख कित्तामध्ये ६० प्रतिशत अर्थात् ६ लाख ६० हजार कित्ता सेयर हाल्ने अवसर दिइएको छ । त्यस्तै प्रभावित इलाम नगरपालिकाकाका बासिन्दाका लागि ४० प्रतिशत अर्थात ४ लाख ४० हजार कित्ता सेयर रहेको छ । हालसम्म १६ करोड ५० लाख रुपैयाँ जम्माभइसकेको छ । माघ १९ सम्म सेयर हाल्ने म्याद छ ।

सनराइज, प्रभु र लक्ष्मी बैंकसहित सन्दकपुर गाउँपालिकाको कार्यालय र माबु हाइड्रोको कार्यालयमा गरी पाँच स्थानबाट सेयर रकम संकलन गरिरहेको छ । न्यूनतम २० कित्तादेखि अधिकतम ५ हजार ५ सय कित्तासम्मका लागि आवेदन भर्न पाउने व्यवस्था गरिएको छ । कम्पनीले इलामको माबु, माईमझुवा र सुलुबुङमा अप्पर माई जलविद्युत् आयोजनाबाट १२ मेगावाट क्षमताको अपरमाई हाइड्रोपावर सञ्चालन गरेको छ । सुलुबुङ र जमुनामा ६.१ मेगावाटको क्यास्केड आयोजना सञ्चालन गरेको छ ।

स्रोत:कान्तिपुर