काठमडौं– चिलिमे जलविद्युत् कम्पनीको सहायक कम्पनी रसुवागढी, सान्जेनलगायतका जलविद्युत् आयोजना निर्माण सम्पन्न हुने चरणमा पुगेपनि प्रसारण लाइन कहिले बन्ने हो भन्ने चिन्ताले आयोजनालाई सताइरहेको थियो ।
आयोजना सम्पन्न भएर पनि विद्युत् खेर जाला भन्ने चिन्तामा रहेको रसुवागढी र सान्जेन जलविद्युत् आयोजनाले अब भने राहत महसुस गर्ने भएका छन् ।जग्गा प्राप्ति र मुआब्जाका कारण लामो समयदेखि विवाद र समस्यामा फस्दै आएको प्रसारण लाइन निर्माणको विषयमा आयोजना अन्तिम टुङ्गो लगाएको छ ।
चिलिमेदेखि त्रिशुलीसम्म २२० केभी क्षमताको प्रसारणलाइन निर्माणको जिम्मा एक चिनियाँ कम्पनीलाई दिइएको छ । आयोजनाकाअनुसार सबैभन्दा कम दर प्रस्ताव गर्ने चिनियाँ कम्पनी ले ठेक्का पाएको हो । सो कम्पनीले रु एक अर्ब ६ करोड ८० लाखमा ठेक्का पाएको हो ।
नेपाल विद्युत् प्राधिकरणकाअनुसार चिलिमे हव निर्माणको समबन्धमा लामो समयदेखि रहँदै आएको जग्गा प्राप्तिको विवाद समेत नयाँ कार्यकारी निर्देशकमा कुलमान घिसिङ आएपछि समाधान भएको हो ।
कार्ययोजनाअनुसार पहिलो प्याकेजअनुसार चिलिमे हवदेखि त्रिशुली ३ बी हवसम्म २२० केभी प्रसारणलाइन निर्माणको गर्ने तयारी छ । सो प्रसारणलाइन निर्माण भएपछि रसुवागढी, माथिल्लो सान्जेन र तल्लो सान्जेनलगायतका जलविद्युत् आयोजनाबाट उत्पादित विद्युत् राष्ट्रिय प्रसारण लाइनमा जोडिनेछ ।
रसुवागढी १११ मेगावाट क्षमताको आयोजना हो भने माथिल्लो र तल्लो सान्जेनको क्षमता ५७ मेगावाट रहेको छ । यस्तै धादिङको आँखु खोलामा निर्माणकोा क्रममा रहेको माथिल्लो आँखुखोला र सुपर आँखुलोलाबाट उत्पादित विद्युत् समेत सोही प्रसारण त्रिशुली थ्री बी हवमा जोडिने छ ।
रसुवामा हाल निर्माण र अध्ययनका क्रममा मात्रै एक दर्जन बढी आयोजना रहेका छन् ।चिलिमे हव प्रसारण लाइन निर्माणका लागि चिनियाँ कम्पनीको अलावा कलपतत्रु ट्रान्सिमिसन लाईन लिमिटेड र केईसी इन्टरनेसनल लिमिटेड पनि ठेक्का प्रक्रियामा सहभागी भएको प्राधिकरणको प्रसारण निदेृशनालयले जनाएको छ ।
प्रसारण निर्देशनालयकाअनुसार कलपत्रु र केइसीले भन्दा चिनियाँ कम्पनीले सस्तो दरमा ठेक्का प्रस्ताव गरेपछि उसलाई ठेक्का दिइएको हो । आगामी डेढ वर्षभित्र सो प्रसारण लाइन निर्माण गरिसक्नुपर्नेछ । रसुवागढी र सान्जेन जलविद्युत् आयोजना २०१८ को डिसेम्बरमा सम्पन्न गर्ने कार्यतालिका रहेको छ ।
त्यसमध्ये माथिल्लो सान्जेन आगामी असारमा नै सम्पन्न हुने छ । सो आयोजनाबाट उत्पादित १४ मेगावाट विद्यमान चिलिमे जलविद्युत् आयोजनाकै प्रसारण लाइनमा जोडिनेछ । सो प्रसारण लाइनबाछ सात मेगावाटम ात्रै पूवाह गर्न सकिने भएकाले सात मेगावाट विद्युत् निर्माण प्रयोजनलगायतका काममा खर्च हुने जनाइएको छ ।
