हिमालपारीको मुस्ताङमा १३.६ मेगावाटको थापाखोला जलविद्युत् आयोजना सम्पन्न हुँदै भदौबाट उत्पादन थाल्ने

    1069

    हिमाल पारीको जिल्लाको रुपमा परिचित मुस्ताङमा निर्माण भइरहेको थापाखोला जलविद्युत् आयोजनाले आगामी भदौबाट विद्युत् उत्पादन सुरु गर्ने भएको छ ।

    मुस्ताङको टुकुचेमा निर्माणाधीन १३.६ मेगावाटको आयोजनाले आगामी भदौबाट विद्युत उत्पादन सुरु गर्ने तयारी गरेको छ ।

    आयोजनाको ९९ प्रतिशत निर्माण सकिएकाले अबको २ महिनामा विद्युत उत्पादन सुरु गर्न सम्भव भएको जनाइएको छ ।

    हेडवर्क्स , सुरुङ र विद्युतगृहको निर्माण पूरा भई अहिले पेनस्टक पाइप ढलानको काम अन्तिम चरणमा पुगेको माउन्ट कैलाश इनर्जी प्रालिले जनाएको छ ।

    पाइप जडान कार्य सम्पन्न भएपछि परीक्षण उत्पादन सुरु गरिने छ ।रु २ अर्ब ६० करोड लागतमा निर्माण सम्पन्न आयोजनाले वार्षिक ६९.३३ गिगावाट घन्टा विद्युत उत्पादन गर्नेछ । उत्पादित विद्युत जिल्लाकै कोवाङ सबस्टेसन र म्याग्दीको दाना सवस्टेसनमा लगेर जोडिनेछ ।

    सुरुमा रु २ अर्ब ४५ करोडको लागत अनुमान गरिएकामा भौगोलिक विकटता, भूकम्प, बन्द हडताल, नाकाबन्दी र कालीगण्डकीमा खसेको पहिरोले बाटो अवरुद्ध हुँदा लागत बढेको हो ।