१४ असोज, काठमाडौं ।
अर्थमन्त्री कोइरालाले जापानी सहयोगमा निर्मित काठमाडौ- भक्तपुर र बीपी राजमार्गले नेपालको आर्थिक विकासमा महत्वपूर्ण भूमिका खेल्ने विश्वास व्यक्त गर्दै दाताहरुको सुझावअनुसार सरकारले वित्तिय तथा आर्थिक व्यवस्थापन चुस्त बनाउन लागि परेको जानकारी दिनुभयो ।
विमानस्थलमा राडारको क्षमता अभिवृद्धि, तनहँू हाइड्रोपावर र मेलम्ची खानेपानी आयोजनामा जापान सरकारले पुर्याएको सहयोगप्रति मन्त्री कोइरालाले आभार व्यक्त गर्नुभयो ।
भेटघाटमा राजदूत ताकाहासीले नेपालमा सञ्चालित विकास कार्यक्रमहरु विभिन्न कारणले समयमै पूरा हुननसकेको जनाउँदै त्यसमा हस्तक्षेपकारी भूमिका निर्वाह गर्न आग्रह गर्नुभयो । संसद नभएको अवस्थामा जनताको आवाज सुन्ने माध्यम नहुने भएकाले यस्तो अवस्थामा वैदेशिक सहयोग पनि प्रभावित हुने जनाउ दिँदै राजदूत ताकाहासीले संविधानसभामार्फत संविधान बनेपछि नेपालमा वैदेशिक लगानीको सम्भावना बढ्ने विश्वास व्यक्त गर्नुभयो ।
लगानीमैत्री वातावरण बनेमा जापानी उद्यमीहरु पनि नेपालको हाइड्रोपावर क्षेत्रमा लगानी गर्न इच्छुक रहेको जानकारी उहाँले दिनुभयो ।
Source : Online Khabar